Cari




Kang Sun : "Lik Paijo, sampeyan doyan gedhang opo ora ? "
Lik Paijo  : " Meh kabeh woh - wohan aku doyang, Kang ,,,apik kanggo kesehatan tubuh hare, Kang "
Kang Sun : " Koyok ngerti - ngertio...."
Lik Paijo  : " E...ngene - ngene yo tau mangan sekolahan lho..."
Kang Sun : " Ha ha ha....iyo iyo percoyo "
Lik Paijo  : " Ono opo re, Kang kok kowe takon gedhang barang ki ? "
Kang Sun : " Aku meh takon, gedhang opo yen diucapke jenenge unine mingkem ? "
Lik Paijo  : " Hemmm...opo yo...."
Kang Sun : " Ngerti po ra ? "
Lik Paijo  : " Sik sik...gedhang rojo ora, gedhang ratu yo ora...."
Kang Sun : " Yoo...sebutno kabeh sak mentri - mentrine, permaisuri, putra mahkota, ..."
Lik Paijo  : " Ha ha ha....kosik go "
Kang Sun : " Pilihi siji - siji ! "
Lik Paijo  : " Gedhang Ambon ora, gedhang Maluku, sumatra yo ora...."
Kang Sun : " Iyoo...propinsi sak indonesia sebutno kabeh, nak perlu sak dunia..."
Lik Paijo  : " He he he...ora ono ketone ki, Kang..."
Kang Sun : " Ono yo, Lik...kok ra percoyo ki lho "
Lik Paijo  : " Kuwi nk indonesia ono pora ? "
Kang Sun : " Ono, Lik..."
Lik Paijo  : " Mosok to, Kang ? "
Kang Sun : " Lha kok nak indonesia, wong aku dewe yo nduwe gedhange kok "
Lik Paijo  : " Ih...opo to jenenge gedhange ? "
Kang Sun : " Kasih tau nggak ya ? "
Lik Paijo  : " Wis lah mboh, ra ngerti aku..."
Kang Sun : " Jenenge gedhang yen diucapke unine mingkem kuwi jenenge gedhang ENOM "
Lik Paijo  : " Gedhang sing durung tuwo maksudmu, Kang ? "
Kang Sun : " Iyooooo, Lik..."
Lik Paijo  : " O semprul tenan bocah iki...."
Kang Sun : " Ha ha ha..."






Lik Paijo : " Yen tak pikir2 kowe ki kok luwih seneng musik dangdut tinimbang musik liyane to, Kang? "
Kang Sun : " Kok ngerti? "
Lik Paijo  : " Buktine, sembarang ukoro sing mbok gawe, utowo pakaryan sing mbok kerjakke kabeh meh ono hubungane karo dangdut ...."
Kang Sun : " Iso men kowe kuwi lho, Lik...contone endi? "
Lik Paijo  : " Akeh ngono kok...contoh sing paling gampang, jare kowe nduweni blog sing jenenge Kang Sun's Blog, ..."
Kang Sun : " Iyo, lha terus...? ''
Lik Paijo  : " Wingi tau tak tilik'i, nyatane nek postinganmu kok yo akeh men lirik lagu dangdut, Biodata Artis Dangdut..."
Kang Sun : " He he..."
Lik Paijo  : " Terus kae sih ono meneh, blog sing isine video dangdut panggung, opo kae jenenge lali aku..."
Kang Sun : " Adventure Of Dangduts..? "
Lik Paijo  : " Lha yo kuwi..."
Kang Sun  : " Lha terus gene re, Lik ?"
Lik Paijo   : " Berarti ncen kowe ki seneng dangdut yo, Kang ? "
Kang Sun  : " Heemmm, piye yo...kanggoku ki dangdut kuwi musik sing inovatif tur meneh nyenengke :
Lik Paijo   : " Opo meneh kuwi inovatif?kok iso nyenengke nalare ketemu soko ngnedi kuwi mau? "
Kang Sun  : " Goro goro musik dangdut, saiki ono sing jenenge goyang ngebor, goyang patah - patah, goyang itik...sampeyan tau tumon  musik pop, rock, nemokke goyang, opo ora jenenge inovatif kuwi, Lik?
Lik Paijo   : " Ha ha ha...aneh aneh kowe, Kang ? "
Kang Sun  : " Ngerti lagu sing judule termiskin di dunia...." ?
Lik Paijo   : " Iyo ngerti, gene ? "
Kang Sun  : " Bayangno ae, Lik orang termiskin di dunia ae sih iso goyang , opo ora seneng iku jenenge?Sampeyan tau tumon Biil Gates, penemu Microsoft, orang terkaya di dunia kuwi goyang dangdut...Hamdan Att, jarene orang termiskin di dunia sih kober - kobere goyang..."
Lik Paijo   : " Ha ha ha....ngawur ae kowe ki, Kang ?''
Kang Sun   : " Terus ono meneh...ngerti lagu Mandul? "
Lik Paijo    : " Iyo ngerti, gene meneh ma? "
Kang Sun  : " Bayangno, sepuluh tahun berumah tangga, tapi belum juga dikaruniai putra, nek pas dilagukke ning panggung kok yo sih kober goyang, opo ora marakke seneng iku jenenge?
Lik Paijo   : Iyo yo, ha ha...ah mboh. Kang , kakean nonton stand up comedi kowe ki, Kang "
Kang Sun  : " Ha ha ha....refreshing, Lik...just kidding "




Kang Sun : " Lik, sampeyan tau numpak bus umum ora ? "
Lik Paijo  : " Yo tau no, Kang...lha emang ono opo? "
Kang Sun : " Sampeyan nek numpak bus mesti ditarik ongkos to, Lik? "
Lik Paijo  : " Kowe ki yo aneh kok, Kang...yo mesti ditarik to yo "
Kang Sun : " Sampeyan ngerti ora, Lik ngopo kok ditarik?
Lik Paijo   : " Lha wong kuwi ki salah sijining pakaryan kok, golek duwit, opo ora kepengen oleh untung sing duwe bus ki, yo mestine wae ditarik "
Kang Sun  : " Kliru, mergone sampeyan ora duwe brengos, mulane ditarik..."
Lik Paijo    : " Haaaahh,,...ngawur ae! "
Kang Sun  : " E...ra percoyo "
Lik Paijo    : " Halah...ra ngandel '
Kang Sun   : " Ngerti  Pak Raden opo ora, wonge iku duwe brengos nek numpak bus kae ora tau ditarik "
Lik Paijo    : " Mosok to, Kang? "
Kang Sun   : " Kok ora percoyo...."
Lik Paijo    : " Wah..enak no nk...kok iso piye ma? " "
Kang Sun  : " Yo jelas ora ditarik, brengos ditarik ki larane amit amit jabang bayi tenan kok, Lik "
Lik Paijo   : " O...semprul tenan kowe ki, Kang!!!! "
Kang Sun  : " Ha ha ha...kabuuuuuurrrr "





Lik Paijo   : " Kang, tibak'e kowe nduwe situs yo, Kang? "
Kang Sun : " Iyo, gene ? "
Lik Paijo    : " Lagi ngerti aku, Kang..."
Kang Sun  : "Sampeyan kok yo iso ngerti soko ngnedi, Lik ? "
Lik Paijo   : " Mben ora ketinggalan saiki aku yo sinau internet barang lho, Kang..."
Kang Sun  : " Wuiiihhh...gaul tenan saiki..."
Lik Paijo   : " Halah ngece senengane kowe ki, Kang...."
Kang Sun  : " Ha ha ha...."
Lik Paijo   : " Eh, Kang...sedhelok meneh daerah awak'e dewe bakal ono PILKADA "
Kang Sun  : " Lha terus ? "
Lik Paijo   : " Dadi kelingan nek nduwe bethek'an, he he..."
Kang Sun  : " Opo iku ? "
Lik Paijo   : " Opo bedane PILKADA karo PIL KB ? "
Kang Sun  : " Malah tekan Pil KB, mesthi mengko ntek ntek'e buntute ngeres..."
Lik Paijo   : " Ngerti opo ora ? "
Kang Sun  : " Alah mboh, ra nyambung ra ono hubungane pitakonmu kuwi, Lik . "
Lik Paijo   : " Huhhh...tibak'e kowe ki yo malah luwih ora gaul tinimbang aku, Kang "
Kang Sun  : " E...balas dendam, ngece genti "
Lik Paijo   : " Ha ha...ngene lho, Kang bedane ki....PILKADA iku nek wis bar dadi biasane lali, lha nek PIL KB iku malah walik'ane.."
Kang Sun  : " Walik'ane piye to. Lik ? "
Lik Paijo   : " Wah, jan ra gaul tenan kowe ki, Lik...nek PIL KB iku nek lali malah dadi "
Kang Sun  : " Dadi piye to, Lik ? "
Lik Paijo   : " Mulo go mulo rek ndang rabi, Kang..."
Kang Sun  : " Halah...bola bali ntek ntek kuwi meneh...."
Lik Paijo   : " Yo wis, PR kanggo kowe iku, Kang! "
Kang Sun  : " Asem'i... "
Lik Paijo   : " Ha ha ha...."




Lik Paijo   : " Kang,,,? "
Kang Sun : " Ono opo, Lik ? "
Lik Paijo  : " Kowe ngerti sing jenenge tempe opo ora? "
Kang Sun : ' Yo ngerti no, iku lawuhku sak bendinane...ono tempe bacem, tempe kripik.."
Lik Paijo  : " Hemmm..."
Kang Sun : '' Ono meneh koyok sing lagi tak gawe ndhek wingi, arep opo ora Tempe Mendhoan...? "
Lik Paijo  : " Hayaaah malah towo, koyok wis duwe bojo wae kowe ki, gayamu koyk wis ngerti - ngertio tempe ..."
Kang Sun : " Lho..lho..lho...piye to iki, opo hubungane tempe karo bojo? ''
Lik Paijo  : " Saiki ngene, kowe tak bedhek'i! "
Kang Sun : " Opo meneh to, Lik lah hemmm...sansoyo ra ono hubungane ki "
Lik Paijo  : " Wis, kowe menengo dhisik, iki rungokno...tempe opo sing iso gawe panas, iso gawe hot? "
Kang Sun : " Sampean ki ajek kok, Lik, mesthi senengane sing nyrempet nyrempet...moh lah, gah aku, malah dadi kepengen mengko "
Lik Paijo  : " Woo alahhh...bola bali pikiranmu ki ngeres terus kok, mulo - mulo gek ndang rabi! "
Kang Sun : " Halaaaahhh....sengit aku "
Lik Paijo  : " Tempe sing iso gawe hot iku jenenge Temperatur Tinggi, ngerti...? "
Kang Sun : " O...."
Lik Paijo  : " Bunder...??? "




Lik Paijo  : " Wengi, adhem adhem ngeneki enak'e lah po yo, Kang ? "
Kang Sun : " Ngombe wedang kopi, sinambi kebal kebul...cocok, Lik! "
Lik Paijo  : " Nyelani jagongan karo bedhek'an..."
Kang Sun : " Koyok wong kurang gawean, nganggo bedhek'an barang "
Lik Paijo   : " He he...yo kadeng kolo to, Kang! "
Kang Sun : " Yo kono, ndang diwiwti "
Lik Paijo  : " Aku sik opo kowe sik, Kang? "
Kang Sun : " Sampean ae sik, Lik! "
Lik Paijo  : " Okey...iki rungokno, digarap mlumah rekoso, genti digarap mengkureb malah yo ra iso metu, ning ngepasi genti dijajal miring malah jan kepenak metune.Opo hayo, Kang? "
Kang Sun : " Ah...thek saru ngono, Lik, emoh jawab aku! "
Lik Paijo  : " Saru piye to?Mbok yo ojo mikir negatif nogono to, Kang? "
Kang Sun : ' Lha ketone kok yo nyrempet nyrempet ngono kok sampean ki, Lik? "
Lik Paijo  : " Mulo ndang rabi, mengko pikiranmu ora ngeres terus "
Kang Sun : " He he..."
Lik Paijo  : " Diterusno opo ngenteni kelurgane ki? "
Kang Sun : " Opo yo....ahh, mboh lah ra ngerti aku, Lik "
Lik Paijo  : " Yo ngono iku akibate, sangger mikire sing ora ora "
Kang Sun : " Halah, koyok reti retio sampean ki, Lik....lha wis opo jawabane mau? "
Lik Paijo  : " Nek pengen reti, iku wong lagi mangan kwaci..."
Kang Sun : " O alaaahh....tak kiro wong lagi ngono'an, he he..."
Lik Paijo  : " Huuuu...."





Lik Paijo  : " Kang, bocah - bocah saiki ki akeh sing ora nduwe toto kromo "
Kang Sun : " Lha kok iso, ketemu nalar soko ngendi, Lik ? "
Lik Pijo    : " Wingi aku rak mertamu menyang omahe Bu Wiwik..."
Kang Sun : " Iyo, terus... "
Lik Paijo   : " Sak durunge mlebu omah, aku wis uluk salam, kulonuwun "
Kang Sun  : " He eh, terus piye ? "
Lik Paijo   : " Sing bukakno lawang tibak'e dudu Bu Wiwik, ning anak'e sing sih cilik umur 7 taunan kae "
Kang Sun  : " Lha terus sing mbok arani bocah saiki ora nduwe toto kromo sing ngendi, Lik ? "
Lik Paijo   : " Yo kuwi mau bocah sing bukakno lawang, tak takoni ngene " Ibu ono, Dik? ", ee...malah diwangsuli MATAMU, terus bocahe langsung njranthal mlebu ngomah "
Kang Sun  : " Ha ha ha...."
Lik Paijo   : " Lha kok malah mbok guyu to, Kang ? "
Kang Sun  : " Sampeyan iku sing ora gaul, malah ngarani bocah ora duwe toto kromo, bocah iku ora misuhi sampeyan, Lik, ning ngundang ibune " Ma, tamu ", ngono... "
Lik Pijo     : " Ooooooo...."




Kang Sun : " Udan - udan ngeneki, udud sinambi nyruput wedang kopi jan gayeng tenan yo, Lik ? "
Lik Paijo  : " Iyo, Kang ora ono obate "
Kang Sun : " Ning nek mung trimo udud karo ngombe wedang kopi thok, yo dadi ora ono critane mengko, Lik "
Lik Paijo  : " Lha terus? "
Kang Sun : " Karo disambi opo yo mathuk'e ?"
Lik Paijo  : " Bedhek'an no piye, Kang ? "
Kang Sun : " Walahh..."
Lik Paijo  : " Lho,,kuwi yo ono manfaate lho, Kang, tinimbang ngomong ngalor ngidul ngrasani tanggane, malah entuk duso to, Kang "
Kang Sun : " Iyo nek iyone ki, Lik...yo wis setuju "
Lik Paijo   : " Lha saiki sopo sing arep mbedhek'i dhisik ? "
Kang Sun  : '' Sampeyan sik wae, Lik! "
Lik Paijo   : " Yo wis manut...hem opo yoo...ngene, dawane 15 cm, wernane abang, ono sirahe, opo hayo, njal bedhek'en ? "
Kang Sun : " Wah, yo kurang lengkap no, Lik, ora pati jelas kuwi ? "
Lik Paijo  : Sik, ono tambahane ki.. biasane wong wedok nek ngerti iki senenge ra karuan "
Kang Sun : '' Lho...lha kok saru ngono, Lik ? "
Lik Paijo  : " Yo kowe kuwi sing pikiranmu ngeres, mung ngono wae kok diarani saru "
Kang Sun : " Ketone yo saru iku "
Lik Paijo  : " Mulo ndang rabi, pikiranmu mben ora mikir ngeres wae, Kang! "
Kang Sun : " He he...opo yo, mosok ora saru ? "
Lik Paijo  : " kandhani kok "
Kang Sun : '' Hemm...opo yo, ah mboh lah, ora ngerti aku, Lik "
Lik Paijo   : " Jawabane sing bener yo kuwi Dhuwit Satus Ewu..."
Kang Sun  : " Oooooo...alaahhh.."




Kang Sun : " Lik Jo...? "
Lik Paijo  : " Ono opo re, Kang ? "
Kang        : " Sampeyan jare wingi bar keno tilang pak polisi, opo bener? "
Lik Paijo  : " Iyo, Kang..."
Kang Sun : " Yo ngono iku nek numpak motor ora ngganggo aturan ki "
Lik Paijo    : " Ora nganggo aturan piye to, Kang.Nek trimo salip - salipan, ngebut yo wajar to, Kang. Masih berjiwa muda kok, he he "
Kang Sun  : " Jiwa muda yo keno, ning yo kudu ono panutane..."
Lik Paijo   : " Maksude piye, Kang ? "
Kang Sun  : " Sampeyan ngerti semut opo ora, Lik nak pas lagi mlaku bareng - bareng rombongan kae ? "
Lik Paijo   : " Iyo ngerti, opo ono hubungan semut karo ketilang ? "
Kang Sun  : " Wahhh... jan kalah karo semut tenan sampeyan ki, Lik ? "
Lik Paijo   : " Lha kok iso, ketemu soko ngendi iku, Kang nalare ? "
Kang Sun  : " Kenopo semut nak mlaku bareng rombongane kok do ora wani nyalib kancane sing ning ngarep ? "
Lik Paijo  : " Yo mboh, sing ngerti yo sopo karepe semut ..."
Kang Sun : " Ngerti opo ora, nek semut mlaku ora wani nyalib kancane, mergane yo mau ora duwe SIM, wedi nek keno tilang.Lha sampeyan ora duwe SIM kok yo wani ngebut salib - saliban
Lik Paijo  : " O alaaaahhh...tiwas dirungokno tenan - tenan...emange aku semut opo ? "
Kang Sun : " Ha ha ha... yo ncene sampeyan ki kalah karo semut kok, nyatane keno tilang "
Lik Paijo   : "..??????  "




Kang Sun : " Sampeyan ki gene to, Lik? "
Lik Paijo  : " Mumet sirahku, Kang ngrasakke anakku wedok siji kae "
Kang Sun : " Marni sing ragil kae po, Lik ? "
Lik Paijo  : " Iyo, Kang... "
Kang Sun : " Gene karo ragile sampeyan iku, Lik ? "
Lik Paijo  : " Tibak'e si Marni lagi meteng jebule, Kang...haduhhh, mumet aku "
Kang Sun : " Lho apik to malah,...sedelok meneh sampeyan bakal dadi Mbah "
Lik Paijo  : " Mbah piye... Marni iku durung nduwe bojo yo "
Kang Sun : " We lha dalah... "
Lik Paijo  : " Mbiyen yo wis tak wanti - wanti, pacaran yo keno, Ndhuk ning ojo nganti kebablasan "
Kang Sun : " Wis bola - bali sampeyan kandhan ngono iku, Lik karo si Marni ? "
Lik Paijo  : " Ora mung pisan pindho, Kang olehku kandhan. Olehku mawanti - wanti ora mung kandhan ngono iku mau thok, Kang.Tekan sak njero - njerone "
Kang Sun : " Contone ? "
Lik Paijo  : " Aku yo ngomong blak - blak'an karo Marni, Kang. Ndhuk, nek pacarmu si Karjo kae ngepasi do pacaran ojo nganti nyandhak dhodho, nek arep nyekel dhodho ngomongo OJO. "
Kang Sun : " Hemm..genah yo apik ngono kok wejange sampeyan, Lik "
Lik Paijo  : " Ora mung tekan kuwi thok, aku yo kandhan ngene barang karo Marni, Ndhuk nek nganti tangane Karjo nggrathil mrambat tekan pupu omongono MANDHEG, MAS "
Kang Sun : " Lha terus kok isih kedadeyan koyok ngono iku mau kepriye critane, Lik ? "
Lik Paijo  : " Iku mau sing ndadekke sirahku mumet, opo aku sing kliru olehku kandhan "
Kang Sun : " Lho, kepriye to ? "
Lik Paijo  : " Jebule, sakwise tak dhedhes anakku Marni ngaku.Bapak rak wis tau kandhan karo kowe to, Ndhuk.Terus anakku Marni jawab jare ngepasi Si Karjo nyandhak dhodho, Si Karjo ugo tangane nggrathil mrembet pupu.Lha iku mau sing ndadekke Marni ngandhanni Si Karjo mangsuli bebarengan OJO MANDHEG, MAS "
Kang Sun : " Ooo alaaaahhh...!!! "




Kang Sun : " Sampeyan poso ora, Lik? "
Lik Paijo  : " Poso, Kang, lha ono opo? "
Kang Sun : " Ora ono opo - opo, yo Alhamdulillah nek poso ki "
Lik Paijo  : " Poso ramadhan iku rak wajib to, Kang? "
Kang Sun : " Iyo, Lik "
Lik Paijo  : " Lha kowe yo poso, Kang ? "
Kang Sun : " Alhamdulillah yo poso, Lik. "
Lik Paijo  : " Ayak ketok rodo' kuru saiki "
Kang Sun : " Ndhak iyo to, Lik ? "
Lik Paijo  : " Rodo kuru kowe saiki, Kang...eh ngomong - ngomong bab lemu karo kuru malah kelingan nduwe bethek'an "
Kang Sun : " Opo iku, Lik ? "
Lik Paijo  : " Ngene, opo bedane wong kuru karo wong lemu, Kang ? "
Kang Sun : " Lha ngono kok yo mbok takokno to, Lik yo wis genah cetho welo - welo ketok moto kok, njajal sawangen dewe, rak yo wis jelas bedo "
Lik Paijo  : " Nanging sing jelas ki, sing kuru iku mangan ati nek sing lemu mangan panggonan "
Kang Sun : " Oooooo..."




Lik Paijo  : " Kang, kowe ngerti pora, ndhek wingi kluargane Pak Joyo do gegeran, pating jlerit "
Kang Sun : " Ndhak iyo to, Lik perkarane opo kok nganti do gegeran ? "
Lik Paijo  : " Mung sepele goro - gorone, Kang, mung mergo dhuwit limangatus "
Kang Sun : " Masya Allah, lha kok kebangeten temen, mung mergo dhuwit sak mono kok yo direwangi gegeran "
Lik Paijo  : " Nek dhuwite ncene sepele, Kang..."
Kang Sun : " Yo jelas sepele to, Lik wong yo kader dhuwit sak mono kuwi lho, cap - capane koyok ora ono ajine nek trimo limangatus kuwi "
Lik Paijo  : " Ora masalah ajine dhuwit, dudu kuwi "
Kang Sun : " Lho...piye to? "
Lik Paijo  : " Kowe ngerti ragile Pak Joyo, sing lagi umur 3 tahun kae, Kang?
Kang Sun : " Yanto maksude sampeyan, Lik ? "
Lik Paijo  : " Iyo, yo kuwi sing dadi masalah "
Kang Sun : " Opo hubungane karo Yanto kuwi mau, Lik, kok malah tambah ra mudheng aku? "
Lik Paijo  : " Yo dhuwit limangatus mau sing dikoloh - koloh anak'e ragil njur keleg mlebu weteng, terus dadi gegeran mau "
Kang Sun : " O alaahh..."





Kang Sun : " Lik,...? "
Lik Paijo  : " Ono opo, Kang? "
Kang Sun : " Sampeyan ngerti watu kuning kae, Lik nek sandhing lawang? "
Lik Paijo  : " Iyo, ngerti aku, Kang, gene, ono opo? "
Kang Sun : " Lha kae ono ember ireng nek sisihe, ono banyune tipak sumbo abang, yo ngerti to? "
Lik Paijo  :  " Iyo, ngerti, ono opo?sajak'e kok penting banget to, Kang? "
Kang Sun : " Kiro - kiro nek watu kuning kuwi mau dicemplungke nek banyu abang mau dadi opo? "
Lik Paijo  : " Walah dalah....ngajak guyon kowe, Kang! "
Kang Sun : " Aku takon iki "
Lik Paijo  : " Yo mesthine tetep kuning to, Kang "
Kang Sun : " Lahhh...sih durung mundhak pintere jebule sampeyan ki, Lik "
Lik Paijo  : " Karepmu ? "
Kang Sun : " Yo sing mensthi kuwi yen watu kuning dicemplungke nek banyu werno abang yo dadi teles to, Lik "
Lik Paijo  : " O...kenthir, selikur, wong edan...!!! "
Kang Sun : " Ha ha ha..."




Lik Paijo  : " Aku ki lagi bingung yok, Kang "
Kang Sun : " Bingung  bab opo meneh, Lik sampeyan ki?
Lik Paijo  : " Dini - dino iki aku ki lagi ra usum duwit, Kang! "
Kang Sun : " Yo encene jamane lagi koyok ngene kok, Lik "
Lik Paijo  : " Jane karepku ki pengen lungo kota, golek duwit rodo' ombo ngono "
Kang Sun : " Lha mbok yo dipersiapke samubarange "
Lik Paijo  : " Nak mung mergo persiapan ngono iku ora pati tak pikir, Kang! "
Kang Sun : " Lha terus, opo ono sing luwih wigati soko iku to, Lik? "
Lik Paijo  : " Kowe rak yo ngerti dewe to, Kang bojoku iku rak lagi meteng to "
Kang Sun : " Iyo ngerti aku, lha wong yo bojone sampeyan ki yo meteng dewe ngono kok, rak yo ora karo sampeyan to, Lik? "
Lik Paijo  : " Hussss...nak ngomong mbok yo sing apik "
Kang Sun : " Apik piye to, Lik? "
Lik Paijo  : " Kowe berarti ndakwo bojoku tumindak sing ora - ora ngono? "
Kang Sun : " Ahh...sampeyan ki kok malah dadi salah paham "
Lik Paijo  : " Lha thek ora ki, mosok ngarani bojoku metenge ora karo aku "
Kang Sun : " Lho, rak yo ncene ngono to, Lik faktane? "
Lik Paijo  : " Hemm rak yo...malah tambah nylekitke kuping "
Kang Sun : " Mbok dipikir dhisik sak durunge ndakwo aku, Lik "
Lik Paijo  : " Wis jelas nak omonganmu iku ngawur, Kang! "
Kang Sun : " Sik sik aku tak takon..."
Lik Paijo   : " Takon opo meneh, wis jelas ngono iku "
Kang Sun  : " Bojone sampeyan jare meteng? "
Lik Paijo   : " Iyooo..."
Kang Sun  : " Lha sampeyan meteng opo ora? "
Lik Paijo   : " Malah tambah nggladrah kowe ki, Kang, wong lanang kok iso mbok takoni meteng opo ora "
Kang Sun : " Lho iku yo kudu dijawab kanggo mesthekke omonganku mau, Lik "
Lik Paijo  : " Ora, wong lanang kok meteng "
Kang Sun : " Bojone sampeyan meteng, sampeyan dewe ora meteng "
Lik Paijo  : " Lha terus ? "
Kang Sun : " Berarti yo bojone sampeyan meteng dewe, ora karo sampeyan to, Lik "
Lik Paijo  : " O Semprul tenan bocah iki,... "
Kang Sun : " Ha ha ha....."





Kang Sun : " Lik, nak miturut sampeyan Pejabat karo Rakyat iku kepenak endi? "
Lik Paijo  : " Yo jelas enak Pejabat to, Kang "
Kang Sun : " Ndhak iyo to, Lik ? "
Lik Paijo  : " Thek ora ki lho, njajal dinalar dewe, dadi Pejabat iku terhormat, diajeni, bayare yo gedhe, yo pora ? "
Kang Sun : " Iyo ncene, Lik....lha nek saumpomo sampeyang dikon milih, enak milih dadi Pejabat opo pilih dadi Rakyat wae, Lik ? "
Lik Paijo  : " Yo mesthine aku tetep milih dadi Pejabat to, Kang! "
Kang Sun : " Hahaha....wis tak bethek sak durunge, mesthi pilih dadi Pejabat "
Lik Paijo  : " Gayamu koyok dukun ae, Kang "
Kang Sun : " Lha thek ora ki, yo mesthi ae sampeyan milih dadi Pejabat, wong yo wis suwe anggone sampeyan dadi Rakyat kok, Lik "
Lik Paijo  : " O alahhh...semprul tenan ..."
Kang Sun : " Hahahaha,,....."




Lik Paijo  : " Kang, saiki aku lagu nduwe pakaryan anyar..."
Kang Sun : " Apik nk ngono,,,opo kuwi, Lik? "
Lik Paijo  : " Kanggo samben, aku cubo nggawe basangan tikus, Kang "
Kang Sun : " Lha terus karepe sampeyan iku piye, arep dikapakno? "
Lik Paijo  : " Yo sithik - sithik tak tawakke karo tonggo teparo, Kang "
Kang Sun : " O ngono..."
Lik Paijo  : " Iyo, Kang...lha piye kowe tuku opo ora, Kang ? "
Kang Sun : " Ah ora sik, Lik..."
Lik Paijo  : " Lho, gene, Kang kok ora gelem? ":
Kang Sun : " Ngomahku ra ono tikuse kok, Lik "
Lik Paijo  : " O alah mung masalah ngono ae kok yo...gampang kuwi "
Kang Sun : " Lho piye to, Lik? malah bingung dewe aku "
Lik Paijo  : " Aku nggawe basangan tikus "
Kang Sun : " Iyo, terus...! "
Lik Paijo  : " Kowe rak yo ngerti dewe to yen basangan tikus kanggo basang tikus ? "
Kang Sun : " Lha yo terahne ncene ngono kok, Lik "
Lik Paijo  : " Basangan tikus gathuk'e berarti rak yo tikus to, Kang ? "
Kang Sun : " Bener kuwi, Lik "
Lik Paijo  : " Lha iyo mulane kuwi mau ..kowe tak kon tuku basangan tikus kok ora gelem mung mergo ora ono tikuse ! "
Kang Sun : " Lha yo jelas no, wong nk ngomahku ra ono tikuse.."
Lik Paijo  : " Lha nek mung masalah kuwi gampang, aku nduwe tikuse, nek  kowe yo karep tuku basangan tikuse thok ra popo, opo komplit sak tikuse malah yo apik, Kang "
Kang Sun "?????????? "




Lik Paijo  : Kang, mbiyen kowe tau sekolah opo ora?
Kang Sun : Yo sekolah no, lha terus ngopo, Lik sampean ndadak takon ngono barang ki?
Lik Paijo  : Ono pelajarane Bahasa Daerah opo ora, Kang?
Kang Sun : Ono, pelajaran Bahasa Jawa...
Lik Paijo  : Saiki aku tak takon...tak nggo ngetes daya ingatmu!
Kang Sun : Wahhh...ngece ...!!!
Lik Paijo  : Iki mung kanggo mesthekke kowe ki bener - bener melu sekolah tenan opo ora.
Kang Sun : Iyo...kono, gih!
Lik Paijo  : Aksara Jawa iku cacahe ono piro, Kang?
Kang Sun : Cacahe ono 20, Lik...rak yo bener to?
Lik Paijo  : Iyo,bener...nek saumpomo aksara jawa iku dijupuk 9 kari piro?
Kang Sun : Ora sekolaho nk iso itung - itung mesthi njawabe kari 11 to, Lik!
Lik Paijo  : Wahhh...berarti kowe yo termasuk wong sing ora iso itung - itung, Kang.
Kang Sun : Lha kok iso?
Lik Paijo  : Kudune ki yo sih 18 ora 11...
Kang Sun : Nalar ko ngendi iku?
Lik Paijo  : Aksara Jawa iku cacahe 20, nek dijupuk aksara Sa lan Nga, rak yo kari 18 to, Kang?
Kang Sun : O alaaahhh....
Lik Paijo  : Iyo opo ora?
Kang Sun : Iki ki jan jane sing ra tau sekolah sopo to yo yo?
Lik Paijo  :  Lho malah...iyo opo iyo?
Kang Sun : Iyo iyo..ncene ngepasi pelajaran kuwi aku ra mangkat, dadine ora ngerti.
Lik Paijo  : Bhahahahahaha....!!!
Kang Sun : Semprul tenan...




Lik Paijo  : Kang, kowe ki tekan seprene kok durung rabi - rabi ki kepriye nalarae?
Kang Sun : Soale prawan - prawan saiki ki ora podho koyok prawan jaman mbiyen, Lik!
Lik Paijo  : Yo mesthi ora podho no, wong kembaro yo tetep ono bedane, ora podho, Kang.
Kang Sun : Ora ngono kuwi tegese.
Lik Paijo  : Lho...lha piye to karepmu ki?
Kang Sun : Ketone prawan - prawan saiki ki podho ora gelem mbojo, Lik.
Lik Paijo  : Jarene sopo....?
Kang Sun : E alah...ning nyatane yo tenan lho, Lik.
Lik Paijo  : Kuwi rak kandhamu
Kang Sun : Lho piye to sampean ki,Lik....iki ki fakta yo,Lik!
Lik Paijo  : Fakta opo opinimu?
Kang Sun : Aku wis survei, Lik marang prawan - prawan saiki.
Lik Paijo  : Survei kepriye sing mbok karepke?
Kang Sun : Aku wis wira - wiri, mrona - mrono, ono prawan tak cedhak'i, terus tak tari tak tembung, nanging kok yo memnggah ora ono sing gelem dadi bojoku.
Lik Paijo  : Ha...ha...ha...ha...!!!




Kang Sun : Lik, ponak'anku ki jan jempolan tenan kok...
Lik Paijo  : Ponak'an sing ngendi kuwi, Kang?
Kang Sun : Ponak'anku yo lagi siji kae to, Lik sing tau tak upload ning pesbuk kae
Lik Paijo  : O kuwi to, jempolan piye karepmu?
Kang Sun : Padahal umure ki lagi 10 sasinan, tapi wis pinter ngomong lan iso nyanyi barang ki
Lik Paijo  : Mung ngono thok?ndadak mbok omongke, ora gumun,...
Kang Sun : We lha...ora kuwi thok yo, Lik ponak'anku kuwi yo wis wasis nek dikon itung - itung, nggambar barang yo endhakke puol...
Lik Paijo  : Ora kaget....
Kang Sun : We sudrun ig...lha emange ponak'anmu po yo iso koyok sing tak omongke mau to, Lik?
Lik Paijo   : Luwih soko iku malah
Kang Sun : Tenane, Lik...wah joss tenan nek ngono, jagoan
Lik Paijo  : Yo jelas to, Pak Dhe ne sing marai og
Kang Sun : Emange luwihe sing kepriye to,Lik?
Lik Paijo  : Bayangno, ponak'anku iku padahal umure lagi nem sasi...
Kang Sun : Lha terus?
Lik Paijo  : Lagi umur nem sasi tapi wis wani nibo ko amben, opo ra jagoan...?
Kang Sun : ??????!!!!!!!




Kang Sun : " Lik, sampeyan ngerti tah ora?jebule ki ono kewan sing mlayune cepet banget.."
Lik Paijo  : " Wah,..nek kuwi pancen akeh tunggale, Kang!"
Kang Sun : " Akeh tunggale piye, njal sebutno!"
Lik Paijo  : " Asu mlayune yo banter, singo iyo, macan barang yo kebat mlayune,..."
Kang Sun : " Lho iki bedo, Lek iso mlayu banter ning kuat ngasi jam - jaman "
Lik Paijo  : " Mosok to, Kang? "
Kang Sun : " Sampeyan kok ra percoyo...asu, macan, singo paling banter mung itungan menit thok kuate, bar kuwi terus keselen "
Lik Paijo  : " Iyo ncene..."
Kang Sun : "  Tur meneh, leren ngombe mergo ngorong saking banter mlayune ora ping bola - bali "
Lik Paijo  : " Weh...hebat men to, Kang kewan kuwi "
Kang Sun : " Mulane iku akeh sing pengen nduweni "
Lik Paijo  : " Lho, emange ono sing nduwe po, Kang?
Kang Sun : " Ora mung trimo ono sing nduwe, nek sampeyan karep iso dituku, ono sing adol "
Lik Paijo  : " We alah, tenane, Kang ? "
Kang Sun : " Iyo, kari nari dhuwite sampeyan, Lik ? "
Lik Paijo  : Wah, mesthi larang yo, Kang? "
Kang Sun : Yo mesthine to, Lik ?
Lik Paijo  : Ngono yo,...ning jan - jane koyo opo to, Kang kewane ki ? "
Kang Sun : Rodo' lumayan akeh jenise, Lik sampeyan kari milih."
Lik Paijo  : " Contone? "
Kang Sun : " Sampeyan kari milih, seneng sing ngendi...Phanter, Zebra, Kijang, Jaguar, opo Kuda?
Lik Paijo  : "?????????"